ఈ తరం - నవతరం

కన్నుల వెలిగిన
కమ్మని కలలూ
నిజాలు చేసే
దీతరమే!
                      కలలో కాంచిన
                      సమతా భావం
                      నిజాన్ని చేసే
                      దీ తరమే!
                                            అందరి గొంతులు
                                            పాడేదొకటె......
                                            సమతా గీతపు
                                            పల్లవులే!
గుండెల నుంచి
పొంగిన రాగం
మానవత్వమే
అయ్యేనులే!
                        అన్యాయలనూ
                        అక్రమాలనూ
                        దునుమాడేదీ
                        ఈ తరమే!
                                             గుండెల కొండల
                                             ప్రగతి భాస్కరుడు
                                             ఉదయించుటయే
                                             నవతరమూ!
తిమిరముతోటీ
సమరము చేసే
ఈ తరమంతా
నవతరమే!

 (మాత్రా ఛందస్సు - 8 మాత్రలు - లో రాయాలని చేసిన ప్రయత్నం)

Comments

Post a Comment

Popular posts from this blog

వెన్నెలకి వందనం

సూర్యుడు, సూర్యుడని ఎందుకలా గావుకేకలేస్తావు? మిత్రమా! నిజం చెప్పు- సూటిగా సూర్యుడ్ని చూడగలవా నువ్వు? కాళ్ళతోడేళ్ళు నిన్ను నిన్నలోకి లాగేస్తుంటే-                     ఎరువు తెచ్చుకున్న గొంతుతో అరవద్దు. అరడజను చప్పట్లకోసం, అరవీశెడు కీర్తి కోసం.... రంగుకాగితాలలో చుట్టిన మాటల చాక్లెట్లను-                     'కవిత్వం' అని నమ్మించకు. బాధలు ఎంతగా మండిస్తాయో గుండెను. కణకణ మండే గుండెమీద ఆలోచనలు కుతకుతా ఉడికి -                      తయారవుతుంది 'కవిత్వం' అసలైన కవిత్వాన్ని అనుభవించటం నేర్చుకో... నువ్వు నువ్వుగా నిల్చోటం నేర్చుకో....... నినాదంగా మాత్రమే కాదు -  ఉద్యమాలకి ఊపిరి కాగలగటం నేర్చుకో! గుండెకి జండాలు చుట్టడం కాదు మిత్రమా! గుండెలే కోరికతో ఎర్రగా మండే జండాలు కావాలి. "రాత్రి చీకటి భూమిలో పాతిపెట్టబడ్డ సూర్యుడు వేయికిరణాల ఆకుల్తో   చీకటిని చీల్చుకుని పుట్టుకొస్తాడు ఉదయానికల్లా!" -- అని ...
Read more

ఋతువులు

కళ్ళలోని నీళ్ళతో వత్సరమంతా మాకు                                 వర్షఋతువే! కష్టం మర్చిపోటానికి తాగిన కాసేపు పుట్టే వెర్రి ఆశే మాకు                       శరదృతువు! అవసరాలు తీర్చుకుని ఆనక వదిలేస్తే  - హేమంతం లోని ఆరిపోయిన భోగిమంటలం మేం! కడుపు కోసం కష్టంతో జీవితమంతా  మాకు                         శిశిరమే! ప్రోద్దంతా కష్టించి ఆ కూలితో గంజైనా తాగితే అదే మాకు                         వసంతం! పని లేక, తిన తిండి లేక ఎండిపోతున్న మాలో ప్రజ్వరిల్లుతోంది                          గ్రీష్మం!
Read more

నీ కోసం.........

ఇక్కడ- ఈ నిరీక్షణ గదిలో నీ కోసమే నేను. నా మనసు మాత్రం  నిరంతరం నీ దగ్గరే! ఇక్కడ- కొంటెగాలి అమాయకమైన పువ్వుల్ని అల్లరి పెడుతూంది ఈ పువ్వుల్ని నీ సిగలో దాయాలని ఉంది. ఇక్కడ- తుంటరి చంద్రుడు- వెన్నెల నవ్వుల్ని రువ్వుతున్నాడు ఈ వెన్నెల నీ సున్నిత నగ్నత్వంమీద పరవాలని ఉంది ఇక్కడ- నా పిచ్చి గుండె నీ కోసం ప్రత్యేక రస్తా అయ్యింది. ఇక నువ్వు రావడమే...... నీ పాదపూజకోసం ముద్దుల్ని భద్రపరిచాను. ఆశని బట్వాడా చేసే నీ కనుల కోసం...... నీ కోసం......... ఇక్కడ- ఈ నిరీక్షణ గదిలో... నీ కోసమే... నేను
Read more