ప్రవాహాల్లో.........నేను

నిశ్శబ్దం
నిరంకుశంగా 
పరిపాలిస్తున్న నా గదిలో........
ఆలోచనలు వర్షిస్తాయి
నాలో దూరికూచున్న
నన్నే ముంచెత్తి, ఆపై........
గుండె కొండల్లోంచి  
సెలయేళ్లయి ప్రవహిస్తాయి
ఎన్నెన్ని అనుభవాల జ్ఞాపకాలు
నన్నోరుసుకుంటూ సాగుతాయో.....
         ********
             నేను -
             మయురాన్నౌతాను
             నా ప్రవాహాలతో ఆనందనృత్యం చేయించటానికి
             హరివిల్లున్నౌతాను
             నా ప్రవాహాలతో రాగాల రంగులు పలికించటానికి
             కపోతాన్నౌతాను
             నా ప్రవాహాలను స్వేశ్చసంకేతాలుగా నిలిపేందుకు.
అన్నిటికంటే ముందు
             సూర్యుడ్ని అవుతాను
             నా ప్రవాహాల కిరణాలతో
             చీకట్లని చీల్చటానికి..............