జాతి - చైతన్యగీతి

నా చేతులు-
జగమంతా విస్తరిస్తున్నాయి......
చీకటిని కూకటి వేళ్ళతోపెకిలించేందుకు.

నా  కాళ్ళు-
మరుభూమీ వైపు నడుస్తున్నాయి....
చీకటిని శాస్వతంగా సమాథిచేసేందుకు.

నా కళ్ళు -
రగులుతున్నాయి.....
తూరుపుకొప్పులోని నిప్పు పువ్వుల్లా.

నా గొంతు -
ప్రభాతగీతం పాడుతుంది.....
నవరాగం మేళవించి.

నా మేను -
వెలిగిపోతున్దిప్పుడు.....
శాంతి సమానతల కాంతితో.

నేను-
జాతిని -
చైతన్య గీతిని!

(అరసం పత్రిక 'వీచిక' మరియు 'శ్రీకళ' కవితా సంకలనాలలో.......
 ప్రచురితం)