మనిషి!

జీవితపు చషకం నిండా
కటిక విషంలాంటి చీకటి-
చీకటిలో.....
కలల వలల అంచులు పట్టుకు వ్రేల్లాడుతూ.....
                                                 మనిషి!
కృత్రిమత్వపు పేస్ పౌడర్
జిలుగులు ప్రదర్శిస్తూ-
మనసులోని విషానికి  
పెదాలచివర తియ్యటి పలుకుల పూతపూస్తూ.....
                                                  మనిషి!
విరిగిపోయిన రికార్డ్ ప్లేటుమీద
అరిగిపోయిన పిన్ను-
అరనిముషం నిశ్శబ్దoలో.....
అనేకానేక శబ్దాలు.
కసిని, కుళ్ళుని హెచ్చవేసి
అభిమానాన్ని, అనురాగాన్ని మైనస్ చేసి 
మాయని, మోసాన్ని ప్లస్ చేస్తే-
దాని పేరు 'జీవితం'  అని
తన నెత్తిన తనే కాళ్ళు పెట్టి, 
తన చుట్టూ చక్కటి గోరి కట్టుకుంటూ.....
                                               మనిషి!
తీగతెగిన వీణ మీద
సరిగమలు సాధన చేస్తూ
కలల వలల అంచులు పట్టుకు వ్రేళ్ళాడుతూ.....
                                                మనిషి!